رێکێن دوعا کرنێ وئەگەرێن قەبیل بوونا دوعایا

1- دوعا کرن بئیخلاص
2- بەری مروڤ دوعایا بکەت دڤێت مروڤ حەمدا خودێ بکەت وسەلاواتا بدەتە سەر رحا پێغەمبەری (سلاڤێن خودێ لێ بن) ولدوهیکا دوعاکرنێ ژی دڤێت مروڤ هەر وەبکەت .
3- مروڤ بئیلحاح دوعایا بکەت ومروڤ یێ پشتراست بیت ژقەبیل بوونا دوعایێت خوو .
4- دەمێ مروڤ دوعایا دکەت دڤێت مروڤ یێ غافل نەبیت وهزرا مروڤی لسەر دوعایا بیت ومروڤ دەنگێ خوو بلند نەکەت .
5- مروڤ دخوشی ونەخوشیادا دوعایا بکەت .
6- مروڤ دانپێدانێ بگونەهێت خوو بکەت و داخازا گونەهـ ژێبرنێ ژخودێ تەعالا بکەت ومروڤ دانپێدانێ بنیعمەتێن وی ژی بکەت وحەمدا خودێ تەعالا بکەت لسەر وان نیعمەتا .
7- مروڤ خو بو خودێ بشکێنیت وبدلەکێ بترس وپرڤیان بو خودێ تەعالا مروڤ دوعایا بکەت .
8- ئەگەر مروڤی زورداریەک لئێکی کربیت دڤێت مروڤ حەقێ وی بو بزڤرینیت ودڤێت خارن وڤەخارن وجلکێن مروڤی (هەمی تشتێن مروڤی) دحەلال بن .
9- دڤێت مروڤ دوعایا بکەت نە نفرینا
10- دڤێت مروڤ ئەمرکرنا کارێت باش بکەت وپاشڤەلێدانا کارێت خراب بکەت .



ژبوو دیتنا نویترین بابەتان سەرەدانا لەپەرێ مە لتورا جڤاکیا فەیسبوکی بکەن