دلوڤانی

ژگوتنێن پێغەمبەری (سلاڤێن خودێ لێ بن):

1- ئەو کەسێ دلوڤانیێ بئەوان نەبەت ئەوێن لسەر ئەردی ئەوێ لئەسمانا ژی (خودێ) دلوڤانیێ بئەوی نابەت. رواه الطبراني
2- ئەو کەسێن دلوڤانیێ بکاردئینن رەحمان ژی دلوڤانیێ بئەوان دبەت هین دلوڤانیێ بئەوان ببەن ئەوێن لسەر ئەردی ئەوێ لئەسمانا ژی (خودێ) دێ رەحمێ بهەوە بەت. رواه أبو داوود
3- ئەو کەسێ دلوڤانیێ بکارنەئینیت دلوڤانی بئەوی ژی ناهێتە برن. رواه البخاري ومسلم وأبو داود والترمذي
4- پێغەمبەری (سلاڤێن خودێ لێ بن) گوتە ئەسحابیا: هین نابنە خودان ئیمانێت دروست هەتا هین دلوڤانێ دناڤبەرا خودا بکارنەئینن ، ئەسحابیا گوت: ئەم هەمی ددلوڤانین ئەی پێغەمبەرێ خودێ ، پێغەمبەری (سلاڤێن خودێ لێ بن) گوت: ئەو نە دلوڤانیە هەر ئێک یێ دلوڤان بیت بتنێ دگەل هەڤالێ خو ((بەس ئەڤ دلوڤانیە بتنێ)) بەلێ دلوڤانی ئەو دلوڤانیە ئەوا گشتی. رواه الطبراني
5- جارەکێ ژنەک چو دئاگری دا ژبەر پشیکەکێ وێ ئەو پشیک گرێدا و وێ خارن نەدا وێ ونەهێلا ئەو ژی ژتشتێن ئەردی بخوت. صحیح الترغیب والترهیب
6- جارەکێ زەلامەکی خو چەماندە بیرەکێ ووی ئاڤ ژبیرێ ڤەخار وسەیەک ژی لدەڤ وێ بیرێ بو ووی ژتێهنا دا ئەزمانێ خو ژدەڤێ خو ئینابو دەرێ ئەڤی زەلامی کتەکا پێلاڤێ ژپێ خوکر وئاڤ بو وی سەی کرێ ودانا بەر وی ، وی سەی ئاڤ ڤەخار خودێ سوپاسیا وی زەلامی کر وئەو برە بەهەشتێ. صحیح إبن حبان
7- جارەکێ زەلامەکی گوتە پێغەمبەری (سلاڤێن خودێ لێ بن): ئەی پێغەمبەرێ خودێ ئەز چەند لعەبدێ خوببورم؟ پێغەمبەری (سلاڤێن خودێ لێ بن) گوتێ: دروژێ دا 70 جارا. رواه أبو داود والترمذي
8- مروڤێ عەبد وی حەقێ هەی وی خارن وڤەخارن وجلکێن خو هەبن وناچێبیت بارێ وی بهێتە گرانکرن پتر ژشیانێت وی وئەگەر هەوە تشتەک ژوی خاست هین هاری وی بکەن وهین ئەو عەبدێت خودێ ئەوێت ئەو ژی وەکی هەوە عەزاب نەدەن. صحیح أبن حبان
9- جارەکێ بابێ مەسعودێ بەدری عەبدەکێ خو بقامچی دقوتا پێغەمبەری (سلاڤێن خودێ لێ بن) ئەو دیت وگوتە وی: بزانە ئەی بابێ مەسعودی... ،وی ژعێجزیا خو هاش خو نەما بو هەتا پێغەمبەر (سلاڤێن خودێ لێ بن) نێزیکی وی بوی گوتە وی: تو بزانە ئەی بابێ مەسعودی خودێ پتر دشێتە تە ژڤێ شیانا تە هەی بوڤی عەبدی ، وی گوت ئەی پێغەمبەرێ خودێ من ئەو عەبد ئازاکر درێکا خودێ دا، پێغەمبەری (سلاڤێن خودێ لێ بن) گوتێ: ئەگەر تە ئەو ئازا نەکربا دا ئاگر گەهیتە تە. رواه مسلم وأبو داوود والترمذيی
10- جارەکێ زەلامەک هاتە دەڤ پێغەمبەری (سلاڤێن خودێ لێ بن) ووی گوت: ئەی پێغەمبەرێ خودێ من هندەک عەبد یێت هەین ئەو من درەوین دەردئێخن وئەو خیانەتێ لمن دکەن وئەو گوهێ خو نادەنە من وئەز خەبەرا دبێژمە وان ووان دقوتم ئەرێ ئەڤە یاچەوایە؟ پێغەمبەری (سلاڤێن خودێ لێ بن) گوت: ئەگەر بو روژا قیامەتێ دێ خیانەت ونەگوهداریا وان ودەمێ ئەو تە درەوین دەردئێخن حساب کەن ئەگەر ئەو هندی وێ سزایێ بون ئەو سزایا تو ددەیە بەر وان ئەو چ لسەر تەناچیت بەلێ سزایا تە ژوان مەزنتربیت دێ حەقێ وان عەبدا ژتە هێتە چێکرن ، ئینا وی زەلامی کرە گری ژترسا ئینا پێغەمبەری (سلاڤێن خودێ لێ بن) گوت: ئەرێ ما تە ئاخفتنا خودێ نەخاندیە (وَنَضَعُ ٱلمَوازينَ ٱلقِسْطَ لِيَومِ ٱلقيامةِ فَلا تُظْلَمُ نَفْسٌ شَيْئاً وَإنْ كانَ مِثْقالَ حَبـﱠـةٍ مِنْ خَرْدَلٍ أتَينا بِها وَكَفى بِنا حَاسِبينَ) ؟. صحيح الترغيب والترهيب




ژبو دیتنا نویترین بابەتان سەرەدانا لاپەرێن مە لتورێن جڤاکی بکەن