دزی - ژگوتنێن پێغەمبەری (سلاڤێن خودێ لێ بن)

1- گەلی خەلکی ئومەتێن بەری هەوە دهیلاک چون چونکو ئەگەر کەسەکێ مەزن (کەسەکێ بقەدر) دزی کربا کەسێ چ نەدگوتە وی بەلێ ئەگەر کەسەکێ هەژار دزیەک کربا وان ئەڤ کەسە سزاددا . صحیح
2- جارەکێ ئەسحابیا گوتە پێغەمبەری (سلاڤێن خودێ لێ بن): ئەی پێغەمبەرێ خودێ فلان کەس بشەڤێ رادبیت وشەڤ نڤێژیا دکەت بەس ئەم پێ دحەسیێن ئەو دزیا دکەت، پێغەمبەری (سلاڤێن خودێ لێ بن) گوت: هین وی ستارە بکەن چونکو ئەڤ شەڤ نڤێژیە دێ وی دەنە پاش ژکرنا دزیا . صحیح
3- صەفوانی گوت: جارەکێ کەسەکی عەبایێ من ژمن دزی ئەز ژی چومە دەڤ پێغەمبەری (سلاڤێن خودێ لێ بن) ومن ئەڤ تشتە گوتە وی، وی ژی بریاردا دەستێ ڤی دزیکەری بهێتەبرین، من گوتێ: ئەی پێغەمبەرێ خودێ من لوی بوری، پێغەمبەری (سلاڤێن خودێ لێ بن) گوتە من : یا بابێ وەهەبی پاتە بوچی لێ نەدبوری بەری تو بهێی بێژیە من، و وی بریاردا دەستێ وی بهێتە برین .صحیح
4- جارەکێ ژنکەکا مەخزومی دزیەک کر مروڤێن وێ گوتە ئوسامەی: هەرە بومە بێژە پێغەمبەری (سلاڤێن خودێ لێ بن) وئەم دێ بهایێ ڤێ دزیێ دەین، ئوسامە چو ئەڤ ئاخفتنە گوتە پێغەمبەری (سلاڤێن خودێ لێ بن)، پێغەمبەری (سلاڤێن خودێ لێ بن) گوتێ: ئەرێ تو شفاعەتێ دسنورەکی ژسنورێن خودێ دا دکەی؟ ئەز بخودێ کەمە ئەگەر کچا من فاتیمایێ دزیەک کربا ئەز دا دەستێ وێ برم . صحیح
5- پێغەمبەری (سلاڤێن خودێ لێ بن) گوت: جارەکێ زەلامەکی لپێش چاڤێت پێغەمبەر عیسای (علیه السلام) زیەک کر وی گوتێ: تە دزی کر، وی گوت: نەخێر وئەز بئەوی خودێ کەمە ئەوێ چ خودێ ژبلی وی نەیی من ئەڤ دزیە نەکریە! پێغەمبەر عیسای (علیە السلام) گوت: من باوەری بخودێ هەیە وچاڤێت من راست نابێژن! صحیح
6- پشتی شەرێ خەیبەرێ بدوماهی هاتی هندەک ئەسحابیا گوت: ئەڤ کەسە شەهیدە وئەڤە شەهیدە وئەڤ کەسە شەهیدە، هەتا باسێ ئێکێ دی ژی کروگوت: ئەڤە ژی شەهیدە، پێغەمبەری (سلاڤێن خودێ لێ بن) گوت: نەخێر من ئەو دیت یێ دئاگری دا چونکو عەبایەک یێ دزی (ژمالێ گشتی) . رواه مسلم
7- دزیکەر دزیێ ناکەت ددەمێ دزیێ دا وئەو موسلمان (وی دەمی وی ئیمان نینە) . صحیح الجامع
8- ئەو کەسێ ئەم وی بکەینە بەرپرس لسەر کارەکی وڤێجا ئەو دەرزیکەکێ یان تشتەکێ ژوێ مەزنتر بدزیت دێ روژا قیامەتێ خودێ حسابێ دگەل وی کەت . رواه مسلم


ژبو دیتنا نویترین بابەتان سەرەدانا پەیجێ مە لتورا جهاکی یا فەیسبوکی بکەن.