دنیا - ژگوتنێن پێغەمبەری (سلاڤێن خودێ لسەر بن):

ژگوتنێن پێغەمبەری (سلاڤێن خودێ لسەر بن):

1- دنیا یا جان وکەسکە ئەو کەسێ وێ بحەقێ وێ وەربگریت خودێ دێ بو وی بەرەکەتێ ئێخیتێ ودبیت کەسەک هەبیت ئەو لدیڤ نەفسا خو بچیت ووی تشتەک لروژا قیامەتێ نەبیت ژبلی ئەگری. رواه الطبراني في الكبير
2- ئێکەم تشت حسابا عەبدی لروژا قیامەتێ پێ بهێتەکرن ئەوە خودێ بێژیتە وی: ئەرێ ما من لەشێ تە ساخلەم نەکربو ، ئەرێ مامن ئاڤا تەزی نەدابوتە. صحيح ابن حبان ورواه الحاكم
3- جارەکێ پێغەمبەری (سلاڤێن خودێ لسەر بن) دبەر بزنەکا مری راچو وی گوتە ئەسحابیا: ئەز بوی کەمە ئەوێ نەفسا من ددەستێن وی دا ئەڤە لدەڤ خودێ ئەهوەنترە ژدنیایێ. رواه احمد
4- ئەگەر دنیایێ لدەڤ خودێ قەدرێ پەرێ مێشەکێ هەبا خو وی قورچەکا ئاڤێ نەددا کافرەکی. رواه ابن ماجة والترمذي
5- جارەکێ پێغەمبەری (سلاڤێن خودێ لسەر بن) گوتە دەححاکی: ئەی دەححاک خارنا تە چیە؟ وی گوت خارنا من گوشت وشیرن ، پێغەمبەری (سلاڤێن خودێ لسەر بن) گوتێ: پاشی ئەو دبنە چ تشت؟ وی گوت: دبنە ئەو تشت ئەوێ تو دزانی، پێغەمبەری (سلاڤێن خودێ لسەر بن) گوتێ: خودێ تەعالا ئەو تشت بو دنیایێ کریە مەتەل ئەو تشتێ ژکورێ ئادەمی دەردکەڤیت. رواه احمد
6- ئەو کەسێ حەش دنیایا خوبکەت ئەو دێ زیانێ گەهینیتە ئاخرەتا خو (نەبحەلالی) وئەو کەسێ حەش ئاخرەتا خوبکەت ئەو دێ زیانێ گەهینیتە دنیایا خو ڤێجا بلا هەوە ئەو تشت پتر بڤێت ئەوێ دمینیت لسەر کیستێ ئەو تشتێ نەمینیت. صحيح ابن حبان ورواه الحاكم والبزار والبيقهي
7- دنیا یا شرینە وئاخرەت یا تەعلە وئاخرەت یا شرینە ودنیا یا تەعلە. رواه الحاکم
8- ئەو تشتێ ئەز پێ لسەر هەوە دترسم ئەوە خودێ دنیایێ وزینەتا وێ لسەر هەوە ڤەکەت. رواه البخاري
جارەکێ پێغەمبەر (سلاڤێن خودێ لسەر بن) لسەر حێسیلەکێ یێ نڤستی بو دەمێ ئەو رابوی نیشانێن حێسیلکێ لسەر تەنشتێن وی یێن پیروز ددیار بون ئەسحابیان گوتێ: ئەی پێغەمبەرێ خودێ ئەگەر مەبوتە تشتەک رائێخستبا ، پێغەمبەری (سلاڤێن خودێ لسەر بن) گوت: مامن چ تشت دگەل دنیایێ هەیە ، ئەز لدنیایێ وەکی وی رێڤینگی مە یێ لبن سیبەرا دارەکێ برینیتە خارێ پاشی ئەو بچیت ووێ بهێلیت. رواه ابن ماجة والترمذي
9- جارەکێ پێغەمبەری (سلاڤێن خودێ لسەر بن) گوتە عبدالله ێ کورێ عومەری: تو لدنیایێ وەکی مروڤەکێ غەریب بە یان وەکی رێڤینگێ رێکێ بە. صحيح الترغيب والترهيب



ژبو دیتنا نویترین بابەتێن مالپەری سەرەدانا لاپەرێن مە لتورێن جڤاکی بکەن.