شەڤەکێ ژشەڤان زەلامەک هاتە دەڤ وگوستیرکەکا شکەستی ڤێبو وی ئەو گوستیرک داڤێ دا بو چێبکەت
زێرینگری ژی گوستیرک ژێ وەرگرت ومەندەهوش مابو ژبەر شێوێ وی زەلامی ژبەر کو رەنگێ سپی مانشێتێ وی بو
دێمێ سپی، پرچا سپی، جلکێن سپی، پێلاڤا سپی، وهەروەسا خودانێ ریهێن درێژ وسپی بو
زێرینگری گوتێ: ئەرێ دێ شێی رینیەخار لسەر کورسیکێ هەتا گوستیرکا تە چێدکەم
زەلام ژی رینشت بێ چ پەیڤان بێژیت ودوێ خولەکێ دا زەلامەک وهەڤژینا خو هاتنە دزێرینگرییێ ڤە وسەحکرنە زێران پاشان ژنکێ گوتە زێرینگری ئەڤ رستکە بچەندێ یە
زێرینگری گوتێ: خولەکەکێ بدەمن خانم هەتا ژگوستیرکا وی زەلامێ برەختەڤە خلاسبم
ئەو هەردوو هەڤژین بترس ولەز ژزێرینگریێ دەرکەتن
زێرینگر ژی مەندەهوش ما ژچونا وان ب وی شێوەی وکارێ خوتومامکر
پاش زەلامەک هاتە زێرینگریێ وبازنکەکێ شکەستی ددەستی دابو وگوتە زێرینگری ئەزێ بلەزم ومن دڤێت تو بومن ڤی بازنکی چێکەی
زێرینگری ژی گوتێ بلا بەز بهێلە ئەز گوستیرکا ڤی زەلامێ برەختەڤە خلاسکەم لدەسپێکێ وی ژی گوت ماتو دین بوی کەس لڤێرێ نینە وبتورەیی ڤە دەرکەت
زێرینگر ژی دین بو ژترسان ورابو بخاندنا ئایەتان وئینانا ناڤێ خودێ
خودانێ گوستیرکێ ژی گوتێ نەترسە ئەی زەلامێ موسلمان ئەز هنارتیێ خودایێ تەیێ دلوڤانم وکەس من نابینیت ژبلی بەندەیێن باش وئەز یێ هاتیمە هنارتن دا رحاتە یا باش بو بەحەشتێ بهەلکێشم وئەز بەری نوکە لبەحەشتێ بوم لمالاتە یا رون ومن ژئاڤا ریبارێ تەیێ خوش ڤەخار ومن ژبیستانێ تە تری خار
مێشکێ زێرینگری ژکەیفان فری وسوپاسیا خودێ کر
وی زەلامی ژی بەردەوامی دا ئاخفتنا خو وگوت هەروەسا کلینسەکا فمن من یا ژمالاتە یالبەحەشتێ یا ئینای وکلینس ژبەریکا خو ئینادەر وگوتە زێرینگری ئەی بەندێ باش بهەلکێشە بێهنا بەحەشتێ
وی ژی کلینس بر وبهێزبهێنکرێ پاش گوت ئاااااااااهـ ئەڤە بێهنەکە نائێتە سەر هزرا چ کەسێ پاش بهێزتر بهێنکرە کلینسێ وگوت ئەڤە چ بێهنە مێشکێ مروڤی دبەت وپاش گێژبو وکەتە وێرێ پشتی ماوەیەکێ نەگەلەک درێژ هشیاربو وسەحکرە دەوروبەرێن خو دیت زێرینگریا وی بتمامی یاهاتیە دزین وچ تێڤەنەمایە
ئەو بێهنا ژکلینسێ دهات یا ماددەکێ بهێز یێ بێهوشکەربو وئەو زەلامێ جلک سپی ئەندامێ گروپەکێ چەکداربو وئەو هەڤژین وزەلامێ خودانێ بازنکێ شکەستی ژی دگەل وی بون.
ژبو دیتنا نویترین بابەتێن مالپەری سەرەدانا لاپەرێن مە لتورێن جڤاکی بکەن.
0 کومێنت
.jpg)
