گرنگترین ماسکێن جوانیێ ومفایێن ساخلەمی یێن معدنوسێ

معدنوس ژوان کەسکاتیانە یێن بەرنیاس لجیهانێ ب مفایێن خویێن ساخلەمی وجوانیێ ژبەرکو رێژەکا مەزن ژڤیتامینێن گرنگ بوساخلەمیێ ودێمی وپرچێ تێدا هەنە ژوان:ڤیتامین A,B,C,K  هەروەها گەلەک کانزایێن وەک ئاسن وپوتاسیوم ژی تێدا هەنە.


ژگرنگترین مفایێن معدنوسێ بوساخلەمیێ:
کێمکرنا دەلیڤێن توشبونێ ب ئێشا پیس (سرطان): خارنا معدنوسێ بشێوەکێ بەردەوام هاریکاریێ دکەت دکێمکرنا دەلیڤێن توشبونێ بسرطانێ وبتایبەت سرطانا سینگ، گەدە، وپیستی.

خلاسبون ژکێشا زێدە: معدنوس کاردکەت ژبو خلاسبونێ ژکێشا زێدە یا چێبوی ژئەگەرێ مانا ئاڤێ دناف لەشیدا، ژبەر هندێ تو دشێی ژ کێشا زێدە خلاسببی  بەری هەلکەفتنا بخارنا معدنوسێ بەردەوام.

بەرگێریا نەخوشیان دکەت: معدونس هاریکاریێ دکەت دچارەسەریا گەلەک نەخوشیاندا ژوان: نەخوشیا شەکرێ،هستیاری،سرطانا قولونێ. وشیان معدونسێ بو بەرگێریکرنا ڤان نەخوشیا دزڤریت ژبو هەبونا ڤیتامین C  تێدا.

ژگرنگترین مفایێن معدنوسێ بوجوانیێ:
خلاسبون ژپنیێن رەشێن ل دەوروبەرێن چاڤی: رێژەکا مەزن ژڤیتامین K,C,A,B  وکلوروفیلان دمعدنوسێ داهەنە هاریکاریێ دکەن ژبو خلاسبونێ ژپنیێن رەش وئەو وەرمینا لدەوروبەرێن چاڤی.

چارەسەریا پرسکان دکەت: ماددەکێ  دمعدنوسێ دا هەیە کاردکەت بوژناڤبرنا پرسکان.

ژگرنگترین ماسکێن معدنوسێ:

ماسکا معدنوسێ وزبادیێ بو خلاسبون ژپنیێن رەشێن ل دەوروبەری چاڤان:
بەلگێن معدونسێ هیربکە ودگەل کاچکەکێ زبادی تێکەل بکە ول دەوروبەرێن چاڤێن خوبدە بوماوێ چارێکەکێ وڤی تێکەلەی حەفتیێ دوو جاران بکاربینە.

ماسکا معدنوسێ و زەیتا باهیڤان بوچارەسەریا پرسکان:
چارێکەکا فنجانێ زەیتا باهیڤان بدانە سەر ئاگرەکێ کێم وپاش هندەک معدنوسێ بکەسەر بینەوببە بو ماوێ دەهـ دەقان.
تێکەلەی پاقژبکە وبکە دگلاسەکی دا وبهێلە دئافتەزینکێ دا وپاش برێکا پاتەکێ پاقژ تێکەلەی لجهێ توشبوی بدە بوماوێ نیف دەمژمێرێ.

بودیتنا نویترین بابەتێن مە پەیجێ مە دفیسبوکی دا لایک بکە.