رۆژی

ژگوتنێن پێغەمبەری (سلاڤێن خودێ لێ بن):

1- مەلائیکەتا ئەز برم من دیت هندەک کەس دهەلاویستینە ولێڤێن وان دشەق کرینە وخین یا ژلێڤێن وان دئێت من گوت: ئەڤە چ کەسن؟ مەئیکەتا گوت ئەڤە ئەو کەسن ئەوێن لبەری بانگێ مەغرەب روژیێن خو دخون. صحیح الترغیب
2- ئەو کەسێ ژبیرکەت ئەو یێ بروژیە وخارنەکێ بخوت یان ئاڤەکێ ڤەخوت بلا ئەو روژیا خو تمام بکەت ، چونکو ئەڤە خارنەک وڤەخارنەکە خودێ برزقێ وی کر. رواه البخار‌ي ومسلم
3- ئەو کەسێ دلێ وی راببیت بلا ئەو روژیا خو نەخوت (بلا قەزا ژی نەکەت) بەلێ ئەو کەسێ ژقەستا دلێ خو راکەت ئەڤە روژیا وی کەت ودڤێت ئەو روژیەکا دی پێشڤەبگریت. صحیح الجامع
4- هین پاشیڤا بخون چونکو بەرەکەت یا دخارنا پاشیڤان دا هەی. رواه أنس بن مالك
5- ئەو کەسێ هەیڤا رەمەزانێ بگریت وپاشی شەش روژا ژهەیڤا شەوالێ ژی بگریت هەروەک ئەو سالێ هەمیێ یێ بروژی. صحیح الجامع
6- ئەبو ئومامەی گوتە پێغەمبەری (سلاڤێن خودێ لێ بن): ئەی پێغەمبەرێ خودێ تو کارەکی نیشا من بدە ئەز پێ بچمە بەحەشتێ، پێغەمبەری (سلاڤێن خودێ لێ بن) گوت: تو بوخو روژیا بگرە چونکو چ وەکی روژیێ نینە. رواه المنذري وصححه الألباني
7- کار وکریارێن مروڤی لروژێن دووشەمبی وپێنج شەمبی بلند دبنە ئەسمانی ، ڤێجا من دڤێت دەمێ عەمەلێ من دچیتە ئەسمانی ئەز یێ بروژی بم. صححه الألباني
8- نینە بەندەیەک روژیەکێ بو خودێ بگریتن ئیلا دێ خودێ وی ژبەر ڤێ روژیێ ٧٠ سالا ژئاگرێ جەهنەمێ دیرکەتن. متفق علیه
9- خودێ دحەدیسەکا قودسی دا گوتە من: هەمی کارێن کورێ ئادەمی بو وینە بەس روژی تێ نەبیت ئەو بومنە وئەز دێ جزایێ وێ دەمێ. صحیح
10- ئەز بئەوی کەمە ئەوێ نەفسا موحەممەدی ددەستێن وی دا بێهنا دەڤێ روژیگری لدەڤ خودێ خوشترە ژبێهنا مسکێ. صحیح
11- روژیگری دوو کەیف یێن هەین کەیفا وی پێ دهێت ئەو ژی دەمێ فتارێ دکەت کەیفا وی بفتارا وی دهێت ودەمێ ئەو دچیتە بەرامبەری رەبێ خو کەیفا وی بروژیا وی دهێت. صحیح البخاري
12- هەیڤا رەمەزانێ دەسپێکا وێ رەحمە ونیڤەکا وێ غەفراندنا گونەهایە ودوماهیکا وێ ئازا کرنە ژئاگری. صحیح
13- دبیت روژیگرەک هەبیت تشتەک ژروژیا وی نەگەهیتێ ژبلی برسێ وتێهنێ.صحیح
14- ئەو کەسێ دوماهیکا روژا وی لسەر روژیێ بیت (ئەو بمریت ویێ بروژی) ئەو دێ چیتە بەحەشتێ. صحیح
15- خودێ ومەلائیکەت سلاوەتا ددەنە سەر ئەو کەسێن رادبنە پاشیڤێ. صحیح
16- ئەو کەسێ خارنەکێ بدەتە روژیگرەکی ئەو دێ بو وی بیتە غەفراندنا گونەهێن وی وئازابوونا ستویێ وی ژئاگری وکا چەند خێر دێ گەهیتە روژیگری هند خێر دێ گەهیتە وی ژی وچ ژخێرا روژیگری ژی کێم نابیت ، هندەکا گوت: ئەم هەمی نەشێن فتارا بدەینە روژیگرا ، پێغەمبەری (سلاڤێن خودێ لێ بن) گوت: خودێ ڤێ خێرێ ددەتە وی کەسی ژی ئەوێ قەسپەکێ بدەتە روژیگری یان فرەکا ئاڤێ یان شیرئاڤەکێ (شیر یان ئاڤا ماست). صحیح
17- جارەکێ پێغەمبەری (سلاڤێن خودێ لێ بن) گوتە ئەسحابیا: کی ژهەوە ئەڤرو یێ بروژیە؟ ئەبوبەکری (خودێ ژێ رازی بیت) گوت: ئەز ئەی پێغەمبەرێ خودێ ، پێغەمبەری (سلاڤێن خودێ لێ بن) گوت کی ژهەوە ئەڤرو لدویڤ جەنازەکی چویە ، ئەبوبەکری (خودێ ژێ رازی بیت) گوت: ئەز ئەی پێغەمبەرێ خودێ ، پێغەمبەری (سلاڤێن خودێ لێ بن) گوت: کی ژهەوە ئەڤرو خارنەک دایە فەقیرەکی ئەبوبەکری (خودێ ژێ رازی بیت) گوت: ئەز ئەی پێغەمبەرێ خودێ ، پێغەمبەری (سلاڤێن خودێ لێ بن) گوت: کی ژهەوە ئەڤرو سەرا نەساخەکی دایە ئەبوبەکری (خودێ ژێ رازی بیت) گوت: ئەز ئەی پێغەمبەرێ خودێ ، پێغەمبەری (سلاڤێن خودێ لێ بن) گوت: ئەڤ سیفەتە لدەڤ کەسەکی پەیدا نابن ئیلا دێ چیتە بەحەشتێ. صحیح مسلم
18- ئەڤە رەمەزان بسەر هەوە داهات وخودێ تەعالا روژیا وێ یالسەر هەوە فەرز کری وتێدا دەرگەهێن بەحەشتێ ڤەدبن ودەرگەهێن جەهنەمێ تێدا دهێنە گرتن وشەیتان ژی تێدا دهێنە زنجیرکرن وخودێ تێدا شەڤەک یا دانای بخێرترە ژخێرا هزار هەیڤا وئەوکەسێ ژڤێ خێرێ بێ بارببیت ئەڤە ئەو مروڤەکێ بێ بارە (مروڤەکێ خوسارەتە). رواه أحمد والنسائي
19- عائیشایێ (خودێ ژێ رازی بیت) گوت: ئەگەر بێ نڤێژی کەتبا سەر مە پێغەمبەری (سلاڤێن خودێ لێ بن) ئەمرێ مەدکر ئەم روژیا قەزا کەین (ئەگەر ئەم بێ نڤێژ بباین درەمەزانێ دا) بەس ئەم نڤێژا قەزا نەکەین. رواه مسلم
20- جوداهی دناڤبەرا روژیا مە وروژیا جوهی وفەلا دا خارنا پاشیڤێ یە، رواه مسلم
21- پێغەمبەری (سلاڤێن خودێ لێ بن) گوت: خودایێ مە تەعالا دبێژیت: روژی پارێزگارە ، عەبد خوپێ دپارێزیت ژئاگری وئەو بومنە وئەز دێ جزایێ وی دەمێ. رواه جابر بن عبدالله
22- هین زی فتارا بخوت وهین درەنگ پاشیڤا بخون. رواه الطبراني وصححه الألباني
23- ئەو کەسێ شەهدە زوریێ وکارپێ کرنا وێ نەهێلیت خودێ چ منەت بئەوی کەسی نینە ئەو خارن وڤەخارنێن خو بهێلیت. رواه البخاري
24- ئەو کەسێ حیجامێ دکەت (خینێ ژپشتا نەساخی دکێشیت بو چارەسەریێ بحیجام) وکەسێ حیجام بو وی دهێنەکرن روژیا هەردوو کەسا دکەڤیت. رواه أبو داوود وإبن ماجة
25- ئەو کەسێ ئنیەتا خو بشەڤێ نەئینیت ئەڤە ڤی کەسی روژی نینە. رواه النسائي
26- ئەو کەسێ ئنیەتا خو بشەڤێ یان بەری بانگێ نڤێژا سپێدێ نەئینیت ئەڤە ڤی کەسی روژی نینە. رواه أحمد
27- بخێرترین روژی پشتی هەیڤا رەمەزانێ ئەو هەیڤا خودێ یە ئەوا هین دبێژنێ موحەررەم. رواه احمد
28- جارەکێ پێغەمبەر (سلاڤێن خودێ لێ بن) چو سەر مینبەرێ ولسەر هەرسێ دەرەجکێن وێ وی گوت: ئامین ، پاشی ئەسحابیا گوتێ: ئەی پێغەمبەرێ خودێ ئەڤرو مە تشتەک ژتە گولێ بو بەری نوکە مە ئەو تشت گوهـ لێ نەبویە ، پێغەمبەری (سلاڤێن خودێ لێ بن) گوت: ئەو جبریل بو هات ووی نفرین لوی کەسی دکرن ئەوێ رەمەزان بسەر وی دا بهێت وگونەهێن وی نەغەفرن من ژی گوت: ئامین ، ووی نفرین لوی کەسی دکرن ئەوێ ناڤێ من لدەف وی بهێتە گوتن وئەو سەلاوەتا نەدەتە سەر من ژی گوت: ئامین ، ووی نفرین لوی کەسی دکرن ئەوێ دەیک وبابێت وی یان ئێک ژوان لدەڤ ویی مەزن ببن وئەڤ چەندە وی نەبەتە بەحەشتێ من ژی گوت: ئەمین. رواه الحاکم
29- پێغەمبەری (سلاڤێن خودێ لێ بن) گوتە موعازێ کورێ جەبەلی: ئەرێ ما ئەز دەرگەهێن خێرێ نیشا تەنەدەم؟ وی گوت: بەلێ ئەی پێغەمبەرێ خودێ ، پێغەمبەری (سلاڤێن خودێ لێ بن) گوت: روژی پارێزگارە وسەدەقە ژی گونەهێ دڤەمرینیت کاچەوا ئاڤ ئاگری دڤەمرینیت. رواه الترمذي
30- چارەکێ زەلامەک هاتە دەڤ پێغەمبەری (سلاڤێن خودێ لێ بن) ووی گوتێ: ئەی پێغەمبەرێ خودێ ئەگەر ئەز شەهدە بدەم چ مەعبود نینن ژبلی خودێ وتو نامەهنارتیێ وی وئەز هەر پێنج نڤێژا بکەم وئەز زەکاتێ بدەم وروژیێت رەمەزانێ بگرم وقیاما وێ ژی بکەم ئەرێ ئەز دێ بمە چ کەس؟ پێغەمبەری (سلاڤێن خودێ لێ بن) گوتێ: تو ژصدیق وشەهیدای. صحیح إبن خزیمة إبن حبان والبزار
31- باشترین روژی پشتی رەمەزانێ روژیێن هەیڤا خودێ موحەررەمە وباشترین نڤێژ ژی پشتی نڤێژێن فەرز نڤێژێن شەڤێنە. رواه مسلم
32-روژیگرتنا سێ روژا دهەر هەیڤەکێ دا هندی روژیێن زەمانی هەمیێنە. رواه البخاري ومسلم
33- جارەکێ ئوسامەیێ کورێ زەیدی گوتە پێغەمبەری (سلاڤێن خودێ لێ بن): ئەی پێغەمبەرێ خودێ تو دچ هەیڤا دا هندی هەیڤا شەعبانێ روژیا ناگری ، پێغەمبەری (سلاڤێن خودێ لێ بن) گوت: خەلک ژوێ هەیڤێ غافل دبیت دناڤبەرا رەجەبێ وشەعبانێ دا ودوێ هەیڤێ دا (دشەعبانێ دا) عەمەل بلند دبنە دەڤ خودێ وئەز حەز دکەم عەمەلێ من بلند ببیت وئەز یێ بروژی بم. رواه النسائي
34- جارەکێ جوەیریا کچا حارسی (خودێ ژێ رازی بیت) یا بروژی بو دروژا خودبە دا، پێغەمبەری (سلاڤێن خودێ لێ بن) گوتە وێ: ئەرێ تو دهی یا بروژی بوی؟ وێ گوت: نەخێر ، پێغەمبەری (سلاڤێن خودێ لێ بن) گوتە وێ: پا تە دڤێت تو سوباهی ژی بگری؟ وێ گوت: نەخێر ، پێغەمبەری (سلاڤێن خودێ لێ بن) گوتێ: پادێ هەرە روژیا خو بخو. رواه البخاري وأبو داوود
35- چ روژی ژروژیا داوودی سلاڤ لێ بن نابورن وی زەمان بنیڤی  کربو وی روژەک دگرت وروژەک دخار. رواه البخاري وأبو داوود
36- خودێ تەعالا دڤێت روخسەتا وی بهێتە بجهـ ئینان کا چەوا وی نەڤێت نەگوهدانا وی بهێتەکرن. صحیح إبن حبان وإبن خزیمة ورواه البزار وأحمد والطبراني في الأوسط
37- نە ژباشیێ یە مروڤ دسەفەرێ دا یێ بروژی بیت. رواه البخاري ومسلم وأبو داوود والنسائي
38- جارەکێ پێغەمبەری (سلاڤێن خودێ لێ بن) زەلامەک دیت ئەو یێ لبن سیبەرا دارەکێ وئەو یێ ئاڤێ لوی جهی درەشینیت ، پێغەمبەری (سلاڤێن خودێ لێ بن) گوت: ئەڤە هەڤالێ هەوە چیە؟ ئەسحابیا گوت: ئەی پێغەمبەرێ خودێ ئەو یێ بروژی یە ، پێغەمبەری (سلاڤێن خودێ لێ بن) گوت: نە ژباشیێ یە هین دسەفەرێ دا یێ بروژی بن وهین بخو روخسەتا خودێ بجهـ بینن ئەوا دایە هەوە ڤێجا هین وێ روخسەتێ قەبیل بکەن. رواه النسائي
39- جارەکێ پێغەمبەری (سلاڤێن خودێ لێ بن) گازی کرە عربازێ کورێ ساریەی بو پاشیڤێ وگوتێ: رابە خارنا ببەرەکەت بخو. صحیح إبن حبان وإبن خزیمة ورواه أبو داوود والنسائي
40- پاشیڤ هەمی بەرەکەتە ڤێجا هین وێ نەهێلن ئەگەر خو هین قورچەکا ئەڤێ ژی ڤەخون وخودێ ومەلائیکەتێن وی سەلاواتا ددەنە سەر ئەو ئەو کەسێن رادبن پاشیڤێ دخون. رواه أحمد
41- باشترین پاشیڤا موسلمانی قەسپە. صحیح أبن حبان ورواه أبو داوود



ژبو دیتنا نویترین بابەتان سەرەدانا لاپەرێن مە لتورێن جڤاکی بکەن.