شرک

ژ گوتنێت پێغەمبەری (سلاڤێت خودێ لێ بن)

1-شرکێ بخودێ نەکە ئەگەر تو بهێیە پرت پرت کرن ئان ژی بهێیە سوتن ... صحيح

2- ئەو کەسێ بتشتەکی (بمروڤەکی) سیند بخوت ئەڤە وی کەسی کوفری کر ئان ژی شرک کر ... صحيح

3- نەعلەتێت خودێ لوان کەسا بن ئەوێت قوربانەکی بو ئێکی ژبلی خودێ سەرژێ دکەن ... صحيح

4- جارەکێ زەلامەکی گوتە پێغەمبەری (سلاڤێت خودێ لێ بن ) : ئەگەر تو و خودێ حەسکەن ، پێغەمبەری (سلاڤێت خودێ لێ بن) گوتێ : ئەرێ تە ئەز کرمە شریک بو خودێ ؟ تو وەنەبێژە بەلکی بێژە ئەگەر بەس خودێ حەسکەت ... صحيح

5-ئەگەر خەلکی گەلەک مەدحێت پێغەمبەری (سلاڤێت خودێ لێ بن ) کربان وی دگوت : هین گەلەک مەدحێت من نەکەن کا چەوا فەللا هند مەدحێت عیسایێ کورێ مەریەمێ کرین (وان دگوت : عیسا کورێ خودێ یە ... حاشا لله) بەلێ هین بێژن تو عەبدێ خودێ وپێغەمبەرێ وی ... صحيح

6- هندەک کەسا سیند بکەعبێ دخار ووان دگوت : ئەز بکەعبە کەمە ، پێغەمبەری (سلاڤێت خودێ لێ بن ) گوت : هشیاربن هین وەنەبێژن ، وان گوت : پا ئەم چ بێژین ئەی پێغەمبەرێ خودێ ؟ پێغەمبەری (سلاڤێت خودێ لێ بن) گوت : هین بێژن برەبێ کەعبێ ... صحيح

7- ئەو کەسێ شریکەکی بو خودێ دروست بکەت خودێ دێ وی کەتە دئاگری دا ... رواه احمد

8- ئەو کەسێ بمریت ووی شرک بو خودێ چێکربیت ئەو دێ چيتە د ئاگری دا ... رواه احمد

9- ئەو کەسێ بچیتە بەرامبەری خودێ ووی چ شریک بو وی چێنەکربن ئەو دێ چیتە بەهەشتێ و چ گونەهەکا وی زەرەرەکێ ناگەهینیتە وی و ئەو کەسێ موشرک دەمێ دچیتە بەرامبەری خودێ ئەو دێ چیتە دئاگریدا و خو خێرەک فایدێ وی ناکەت ... رواه احمد

10-ئەو کەسێ نڤێژێ بو ریمەتی بکەت ئەڤە وی شرک کر و ئەو کەسێ روژیێ بگریت بو ریمەتی ئەڤە وی شرک کر و ئەو کەسی سەدەقێ بو ریمەتی بکەت ئەڤە وی شرک کر ... رواه احمد

11-ئەگەر خودێ تەعالا مروڤێت دەستپێکێ و دوماهیکێ کوم کرن بو وێ روژا چ گومان تێدا نەی گازیکەرەک دی گازی کەت ئەو کەسی ئێک کریە شریک دکرنا عەمەلێ خو دا بو خودێ تەعالا بلا ئەو داخازا خێرێ ژ غەیری خودێ تەعالا بخازیت ... رواه احمد

12- جارەکێ کەسەکی گوتە پێغەمبەری (سلاڤێت خودێ لێ بن ) : ئەی پێغەمبەرێ خودێ ئەرێ ما دێ ئومەتا تە پشتی تە شرکێ کەن ؟ پێغەمبەری (سلاڤێت خودێ لێ بن) گوت : بەلێ ، هندی ئەون ئەو عیبادەتێ روژێ و هەیڤێ و بەری و صەنەمی ناکەن بەلێ ئەو دێ بریمەتی عەمەلێت خو کەن ... رواه احمد

13- پێغەمبەری (سلاڤێت خودێ لێ بن ) گوت : خودێ تەعالا دبێژیت : ئەز باشترین شریکم ڤێجا ئەو کەسێ شریکەکی بو من دروست بکەت ئەو کارێ ئەو دکەت بو وی شریکی یە ، پاشی پێغەمبەری (سلاڤێت خودێ لێ بن ) گوت : ئەی گەلی خەلکی هین عەمەلێت خو بئیخلاص بکەن چونکی خودێ تەعالا عەمەلی قەبیل ناکەت ئیلا ئەو یێ خالص بیت بو وی و هین نەبێژن ئەڤە بو خودێ و مروڤاینیێ یە و ئەو نە بو خودێ یە ، و هین نە بێژن ئەڤە بو خودێ و ژبەر هەوەیە چونکی ئەو بو ژبەر وایە و ئەو نەبو خودێ یە . وهین نە بێژن ئەڤە بو خودێ و ژبەر هەوەیە چونکی ئەو بو ژبەر وایە و ئەو نەبو خودێ یە (دڤێت مروڤ یێ هشیار بیت د ئاخفتنێت خو دا ) ... رواه البیهقي

14- پێغەمبەری (سلاڤێت خودێ لێ بن) گوتە ئەسحابیا : ئەرێ ما ئەزنەبێژمە هەوە ئەز پتر ژێ دترسم لسەر هەوە پتر ژ مەسیحێ دەجال ؟ وان گوت : بەلێ ئەی پێغەمبەرێ خودێ ، پێغەمبەری (سلاڤێت خودێ لسەر بن) گوت : ئەو شرکا بەرزەیە زەلامەک رابیت نڤێژا خو لاوبکەت چونکی چاڤێ خەلکی یێ لوی ... صحيح الترغيب و الترهيب

15- پێغەمبەری (سلاڤێت خودێ لێ بن) گوتە ئەسحابیا : ئەی گەلی خەلکی هین هشیارببن ژ شرکا سەرائیر ، وان گوت : ئەی پێغەمبەرێ خودێ ما شرکا سەرائیر چ تشتە ؟ پێغەمبەری (سلاڤێت خودێ لێ بن ) گوت : زەلامەک رابیت نڤیژا خو لاو بکەت چونکی چاڤێ خەلکی یێ لوی ئەڤەیە شرکا سەرائیر ... صحيح ابن خزيمة

16- پێغەمبەری (سلاڤێت خودێ لێ بن ) گوتە نەوفەلی : تو (سورة الکافرون) بخوینە و دەمی تو وێ بدوماهیک دئینی تو بنڤە چونکی ئەو پاراستنە ژ شرکێ ... رواه ابو داوود و الترمذي و النسائي و الحاکم و ابن حبان


ژبو دیتنا نویترین بابەتان لاپەرێ مە ل تورا جڤاکیا فەیسبوکی لایک بکەن