لدیڤ چونا جەنازەی

ژگوتنێن پێغەمبەری (سلاڤێن خودێ لێ بن)

1. دەمێ جەنازەک دهاتە ڤەشارتن پێغەمبەری (سلاڤێن خودێ لێ بن) دگوت: هین ئستیغفارا بو برایێ خو بکەن چونکو نوکە مەلایکەت یێ پرسیارا ژوی دکەن. ‌صحیح
2. هین لەزێ لڤەشارتنا جەنازەی بکەن، چونکو ئەگەر خودانێ وێ یێ باش بیت ئەو خێرە (ئەو تشتەکێ باشە) وئەگەر خودانێ وێ یێ باش نەبیت ئەڤە بەلایەکە لسەر ملێن هەوە. صحیح
3. دەمێ هین دسیار ل(هەسپەکی ، حێشترەکێ ......) هین لپشت جەنازەی هەرن، وئەو کەسێ نەیێ سیار ئەو یێ بکەیفا خویە (درستە ئەو لبەری جەنازەی یان لپشت وێ یان بەرخ ڤە بچیت). صحیح
4. نڤێژا جەنازەی لسەر بچیکی ژی دهێتە کرن. صحیح
5. جارەکێ جەنازەک لبەر پێغەمبەری (سلاڤێن خودێ لسەر بن) را بوری ئەو رابوڤە ئەسحابی ژی رابونە ڤە پشتی هینگێ ئەسحابیا گوتێ: ئەی پێغەمبەرێ خودێ ئەو جەنازا کەسەکێ جوهی بو، پێغەمبەری (سلاڤێن خودێ لسەر بن) گوت: ئەرێ ما ئەو ژی نە نەفسە؟. صحیح
6. جارەکێ ئەسحابیا هێسترەک بو پێغەمبەری (سلاڤێن خودێ لسەر بن) ئینا دا ئەو لێ سیار ببیت ودوی دەمی دا جەنازەک دهات پێغەمبەر (سلاڤێن خودێ لسەر بن) لێ سیار نەبو حەتا جەنازە دبەر را بوری، ئەسحابیا گوتێ: ئەی پیغەمبەرێ خودێ توبوچی دوی دەمی دا لێ سیار نەبوی؟ پێغەمبەری (سلاڤێن خودێ لسەر بن) گوتە وان: چونکو مەلایکەت دگەل وی جەنازەی بوون ڤێجا ناچێبیت ئەز یێ سیاربم ومەلایکەت نەدسیار بن. صحیح
7. ئەو کەسێ نڤێژێ لسەر جەنازەی بکەت قیراتەک دێ گەهیتێ، وئەو کەسێ خو لهیڤیا جەنازەی دگریت حەتا ئەو دهێتە ڤەشارتن دێ دوو قیرات گەهنێ، ئەسحابیا گوت: ئەی پێغەمبەرێ خودێ قیرات چیە؟ پێغەمبەری (سلاڤێن خودێ لسەر بن) گوت:خێرا ئێک قیرات هندی چیایێ ئوحدێ یە. متفق علیه
8. هیچ زەلامەک یان ژنکەک نینە و 100 مروڤ نڤێژێ لێ بکەن ئیلا دێ خودێ گونەهێن وی غەفرینیت. رواه الطبراني فی الکبیر

بو دیتنا نویترین بانەتان پەیجێ مە دفیس بوکی دا لایک بکەن.