باشترین ئەخلاق

ژگوتنێن پێغەمبەری (سلاڤ لێ بن):

1- باشترین ئێک ژهەوە ئەوە یێ ئەخلاقێ وی باشترین ئەخلاق بیت. متفق علیه

2- من ئەو کەس ژهەمیا پتر دڤێت ئەوێ ئەخلاقێ وی باشترین ئەخلاق بیت. رواه البخاري

3- کاملترین ئیمانا مروڤێ موسلمان ئیمانا وی کەسیە ئەو کەسێ باشترین ئەخلاق هەبیت ، باشترین ئێک ژهەوە ئەوە یێ ژهەمیا باشتربیت بو هەڤژینا خو. رواه الترمذي

4- هەر دینەکی ئەخلاقەک یێ هەی وئەخلاقێ ئیسلامێ ژی شەرم کرنە. رواه إبن ماجة

5- مروڤێ موسلمان بئەخلاقێ خو یێ باش دگەهیتە پلا وی روژیگرێ بشەڤێ رادبیت عیبادەتی دکەت. رواه أبو داوود

6- ئەو کەسێ من ژهەمیا پتر دڤێت وژهەمیا پتر یێ نێزیکی من لروژا قیامەتێ ئەوە یێ ئەخلاقێ وی باشترین ئەخلاق بیت ، ئەو کەسێن من ژهەمیا پتر نەڤێن وژهەمیا ژمن دیرتر لروژا قیامەتێ ئەون یێن پربێژ وئەون یێن دەمێ دئاخڤن ب ئاخفتنێن خو خەلکی دئێشینن وئەون یێن خو مەزن دکەن. رواه الترمذي

7- باشی ئەخلاق باشی یە. رواه الترمذي

8- ئەز بەس یێ هاتیمە هنارتن دا جانیاتیێن ئەخلاقی تمام بکەم. صححه الحاكم ووافقه الذهبي

9- خودێ ژهەمی عەبدێن خو پتر ئەو دڤێن ئەوێن ئەخلاقێن وان باشترین ئەخلاق بن. رواه الحاكم وصححه الألباني

10- تو تەقوا خودێ بکە تو لکیڤەبی ، وئەگەر تە گونەهەک کر ئێکسەر خێرەکێ بکە ئەڤ گونەهە دێ ژێ چیت ، ودگەل خەلکی ژی بئەخلاقەکێ باش سەرەدەریێ بکە. رواه الترمذي

11- ئەسحابیا پرسیار ژپێغەمبەری (سلاڤێن خودێ لێ بن ) کر: مروڤ بچ تشت ژهەمیا پتر پێ دچیتە بەحەشتێ؟ پێغەمبەری (سلاڤێن خودێ لێ بن ) گوت بتەقوا خودێ وئەخلاق باشیێ. رواه الترمذي

12- ئەگەر تە چار تشت هەبن بلا تشتەک بوتە نەبیتە خەم ئەگەر ئەو چار تشت ژدەستێن تە بچن ئەو ژی: راست بێژی ، پاراستنا ئەمانەتی ، ئەخلاق باشی ، وخارنا حەلالی یە. رواه أحمد وصححه الألباني

13- پێغەمبەری (سلاڤێن خودێ لێ بن ) پرسیار ژئەسحابیا کر : ئەرێ ئەز نەبێژمە هەوە کی ژهەوە ژهەمیان باشترە؟ ئەسحابیان گوت بەلێ ، پێغەمبەری (سلاڤێن خودێ لێ بن ) گوت: یێ ژهەوە هەمیان باشتر ئەوە یێ ژیێ وی ژژیێ هەمیان درێژتر وئەخلاقێ وی ژئەخلاقێ هەمیان باشتر.رواه أحمد

14- ئەز مزگینیێ ددەمە وی کەسی بقەسرەکێ  لبنێ بەحەشتێ ئەو کەسێ جیدالێ بهێلیت ئەگەر خو یێ حەق ژی بیت ، وئەز مزگینیێ ددەمە وی کەسی بقەسرەکێ لنیڤا بەحەشتێ ئەو کەسێ درەوێ بهێلیت ئەگەر خو بترانە وسحبت ژی بیت ، وئەز مزگینیێ ددەمە وی کەسی بقەسرەکێ لسەرێ بەحەشتێ ئەو کەسێ ئەخلاقێ خو باش بکەت. رواه أبو داوود وحسنه الألباني

15- تو ئەخلاق باشیێ وکێم ئاخفتنێ بدەست خوڤە بینە چونکو ئەز بئەوی کەمە یێ نەفسا من ددەستی دا هندی مروڤی بڤێت خو بخەملینیت مروڤ جانتر ژڤان هەردوو سیفەتان نابینیت مروڤ خو پێ بخەملینیت. صحيح الجامع

16- خودێ ئەخلاق یێن دناڤبەرا هەوەدا دابەش کری کاچەوا ئەرزاق دناڤبەرا هەوە دا دابەش کریە هندیکە خودێ تەعالایە دنیایێ ددەتە وی کەسێ وی بڤێت ووی کەسێ نەڤێت ژی بەلێ خودێ بەس دینی ددەتە وی کەسێ حەژێ بکەت وئەو کەسێ دینی بدەتە وی ئەڤە خودێ حەش وی دکەت ، وئەز بئەوی کەمە ئەوێ نەفسا من ددەستێن وی دا هیچ عەبدەک موسلمان نابیت (بئیسلامەکا دروست) حەتا دلێ وی وئەزمانێ وی راست نەبن. صحيح

17- ئەسحابیا پرسیار ژعائیشایێ کر (خودێ ژێ رازیبیت): ئەرێ ئەخلاقێ پێغەمبەری (سلاڤێن خودێ لێ بن ) یێ چەوا بو؟ عائیشایێ (خودێ ژێ رازیبیت) گوت: ئەخلاقێ پێغەمبەری (سلاڤێن خودێ لێ بن ) قورئان بو (ئەمرێن قورئانێ بجهـ دئینان ونەهیێن وێ خوژێ ددا پاش). صحيح

18- جارەکێ زەلامەکی گوتە پێغەمبەری (سلاڤێن خودێ لێ بن ): ئەی پێغەمبەرێ خودێ تو وەسیەتەکێ لمن بکە ، پێغەمبەری (سلاڤێن خودێ لێ بن ) گوت: تو عەبدینیا خودێ بکە وچ شریکان بو وی دروست نەکە ، وی گوت: ئەی پێغەمبەرێ خودێ هێشتا ، پێغەمبەری (سلاڤێن خودێ لێ بن ) گوت: ئەگەر تە خەلەتی کر تو باشیێ بکە وبلا ئەخلاقێ تە باش ببیت. صحيح إبن حبان والحاكم

19- تشتەک گرانتر نینە دمیزانا مروڤێ موسلمان دا ژئەخلاقێ باش پتر لروژا قیامەتێ ، وخودێ کەرب ژمروڤێ فەحشێ زبانکەر ڤەدبن. رواه أبو داوود والترمذي

بو دیتنا نویترین بابەتێن مە پەیجێ مە دفیسبوکی دا لایک بکە.