زانایێن فرنسا گوت مەیمینکا ژجورێ بابون دشێت وان نامێن ژچوار پەیڤا پێکهاتی لسەر شاشا کومپیوتەری بنیاسیت
وهەروەها دیارکر ئەڤ جورێ مەیمینکان دشێن پەیڤێن برامان ژکوموکا پەیڤێن بێ رامان جودا بکەن، وپشتی راهێنان پێکرین، مەیمینکا بابون شیا پەیڤان بنیاسین هەرچەندە شیانێن خواندنێ نینن.
وهاتە بەلافکرن ئەو خاندنا جون گرینگر وجویل فاگوتی ژ کولیژا ئیکس مرسیلیا کری دروژناما ساینس یاجیهانی دا.
ڤەکولەران تاقیکرن کرن لسەر کومەکا مەیمینکێن بابون ژگینیا دئاڤاهیەکێ تایبەت دکولیژێ دا.
فاگوتی ئەوێ بەرنامێ تاقیکرنێ دیزاین کری دیارکر: ودڤێ لێکولینێ دا، من ئازادیەکا تومام دا گیانەوەران دابەشدارببن، وگیانەوەر بشێوەیەکێ خویی هاتنە هەلبژارتن دتاقیکرنێ دا برێکا کومپیوتەری.
ودجهێن تاقیکرنێ دا، هاتە پێشاندان لسەر سکرینا کومپیوتەری پەیڤاکا سادە یا ژ چوار پیتان پێک دهات یان تێکەلەکێ پیتا یێن چ رامان بو نە
ودێ مەیمینک دەستی خو کەنە خالەکا دەست نیشانکری بو وان پەیڤێن ب رامان و خالەکا دیژی بو وان پەیڤێن بێ رامان
فاگوتی گوت ئەڤ مەیمینکە گەلەک هاتینە مەشقدان هەتا گەهشتینە ڤێ قوناغێ
زێدەتر گوت : مەیمینک هەمی هزرو بیرێن خو ددانە سەر وی کارێ دڤێت بکەت دەمێ ئەو بخو بریاریێ ددەت بەشداریێ بکەت
و هەروەها گوت مەیمینکەکا هەی ناڤێ وێ دانە، دشێت سێ سەد پەیڤان ب شێوەیەکێ درست بنیاسیت
ژبو دیتنا نویترین بابەتان پەیجێ مە د فەیسبوکی دا لایک بکەن
0 کومێنت
.jpg)
